Walt Disney World Resort, kiu povas nomiĝi esperantlingve Dizni-Mondo, estas grandega parko en centra Florido, Usono. Ĝi konsistas el kvar amuzejoj, du akvoparkoj, multaj hoteloj, malgranda vilaĝo de domoj, unurela fervojo, butikejoj, golfludejoj, kaj aliaj servoj por milionoj da vizitantoj. La tuta surfaco estas duoble pli granda ol la landeto San-Marino. Ĝi malfermiĝis en 1971.
Walt Disney malfermis la grandan parkon Diznilendon en 1955, en Anahejmo, Kalifornio. Poste, Disney imagis eĉ pli grandan parkon, kaj lanĉis sian "Floridan Projekton" kiu komencis sekrete aĉeti grandajn terpecojn en centra Florido per fikciaj korporacioj. En 1965, Disney anoncis sian planon konstrui orient-usonan version de Diznilendo, sed en multe pli granda dimensio. Ĉefa inter la planoj estis moderna, futureca urbo nomata "EPCOT", la Eksperimenta Prototipa Urbo de l' Futuro.
Disney mortis en 1966, tamen la laboro daŭrigis. Anstataŭ konstrui estontec-stilan urbon, la ĉefa koncentriĝo estis la starigo de amuzejo, nome la Magia Regno, kiu malfermis al publiko en 1971. Dua parko malfermis en 1982 sub nomo de EPCOT-Centro, tamen ĝi ne estis futureca urbo, sed similis multe al internacia ekshibicio. En 1989, malfermiĝis tria parko, la Filmfarejo de Disney-MGM. Kvara parko, Besta Regno, malfermiĝis en 1998.
La Magia Regno estas multe simila al Diznilendo. Ĉe ĝia centro estas la Kastelo de Cinderelo. La parko dividiĝas en sep regionoj, ĉiu havanta apartan temon:
La dua parko, oringinale EPCOT-Centro, estas nun nomata nur Epcot. Plej fama ero estas Kosmoŝipo Tero, alta arĝenta globo, en mezo de Mondo de l' Futuro. Tie troviĝas ankaŭ ondofervojo Test-Vojo, kaj simulilo Misio al Marso.
La suda duono de la parko konsistas el budo reprezentantaj dek landojn de la mondo, nome (horloĝe) Meksiko, Norvegujo, Ĉinujo, Germanujo, Italujo, Usono, Japanujo, Maroko, Francujo, Britujo, kaj Kanado.
