Turčianske Teplice, hungare Stubnyafürdő, germane Bad Stuben estas urbo en Slovakio, en Regiono Žilina, en Distrikto Turčianske Teplice, kies distriktejo estas.
La urbo situas en valo, laŭ ĉefvojo kaj fervojo Kremnica-Martin. La lasta troviĝas 28 km-ojn for.
Oni uzis la varmajn fontojn en la 13-a jarcento. La unua mencio skribe okazis en 1390, en la tiam nomo estis Lehota. Okazis sekreta pakto inter Francisko Wesselényi kaj Petro Zrínyi kontraŭ Habsburgoj. La komunumo prosperis pro la varma fonto 28-50 °C-a. Dum la historio la najbaraj vilaĝoj aliĝis al la urbeto. En 1910 en la komunumo loĝis 288 da loĝantoj (120 hungaroj, 113 slovakoj, 52 germanoj). Ĝis 1919 ĝi apartenis al Hungario, al Turóc, al distrikto de Stubnyafürdő, kies distriktejo estis. La komunumo prenis novan nomon en 1946: Turčianske Teplice, teplice signifas slovake varma akvo. En 2001 loĝis en la urbo 7031 da homoj, 98% de la loĝantoj estis slovakoj.
