Nacia Parko Jasper estas la plej granda nacia parko de Kanado en la Rok-Montaro, kun 10.878 km². Ĝi estas en la kanada provinco Alberto, norde de Nacia Parko Banff kaj okcidente de la urbo Edmontono. En la parko estas la glaĉeroj de la Kolumbia Glacikampo, varmaj fontoj, lagoj, akvofaloj kaj, kompreneble, montoj. Inter la bestoj en la parko estas ruĝaj cervoj, alkoj, oreamnoj, montoŝafoj, ursoj, kaj karibuoj.
Inter la vidindaĵoj de la parko estas Monto Edith Cavell, Piramida Lago Piramida Monto, Lago Maligne, Medicina Lago kaj la Tonkina Valo.
Inter la river-sistemoj kiuj havas sian fonton en la parko estas:
Jasper nomiĝis laŭ Jasper Hawes, kiu funkciigis fortikaĵeton en ĉi tiu regiono por la Nord-Okcidenta Kompanio. Antaŭe ĝi portis la nomon Fitzhugh.
La informejo de la parko troviĝas en Jasper (Alberto).
Unesko deklaris ĉi tiun parkon esti Monda Naturheredaĵo en 1984, kune kun la aliaj naciaj parkoj kaj provincaj parkoj kiuj konsistigas la Parkojn de la Kanada Rok-Montaro, pro la monto-pejzaĝoj kun montopintoj, glaĉeroj, lagoj, akvofaloj, kanjonoj, kavernoj kaj fosilioj ĉi tie troveblaj.
