Muro de lamentadoj aŭ en kelkaj lingvoj Okcidenta Muro (Hebree: HaKotel HaMa'aravi) estas antikva muro en Jerusalemo kiu datas de la epoko de la Dua Templo de la Judoj. Ĝi estas konsiderata la plej sankta loko en la Juda religio. Ĝi ankaŭ estas konata kiel "la Plora Muro", ĉar judoj ploras tie memorante la detruon de la Dua Templo. La Muro estas parto de la Templa Monto, kie troviĝas ankaŭ tre sanktajn lokojn por Islamanoj.
Laŭ la biblio, la unua templo de la judoj estis detruata de la Babilonanoj. La dua templo estis konstruata en la kvara jarcento antaŭ Kristo, kaj ĝi estis detruata de la Romianoj por puni judan ribelon, en la jaro 70 post Kristo. Laŭ la religiaj tekstoj de Judismo, la Romia imperiestro Tito decidis lasi nur unu muron de la templo starante, por memorigi al la judoj ke li konkeris ilian landon. Tamen, la Judoj konsideris la fakton ke unu muro postrestas kiel realiĝo de la promeso de Dio laŭ kiu unu parto de la templo restos starante, por montri ke Dio havas ne-rompitan rilaton kun la juda popolo.
Nuntempe, judoj estas preĝantaj ĉe la Okcidenta Muro je ĉiu horo, kaj estas sekcioj kaj por viroj kaj por virinoj. Religiaj judoj kredas ke la pordoj de la paradiso troviĝas rekte super la muro. Estas kutime por judoj lasi etajn pecojn de papero kun preĝoj aŭ deziroj skribitaj sur ili inter la ŝtonegoj de la Muro.