Mátra [ma:tra] estas montaro, membro de la hungara Norda mezmontaro (Északi-középhegység), kun la plej alta monto de Hungario, kiu nomiĝas Kékes (1015 m). La montaro kovras areon de proksimume 40 x 14 kilometroj, kaj situas inter la montaroj Cserhát kaj Bükk.
Ĝiaj partoj estas la okcidenta, centra kaj la orienta Mátra estas el miocenepokaj vulkanaj ŝtonaroj.
La plantaro de Mátra estas rica kaj diversa. Regantaj plantospecioj estas la karpeno kaj la kverko (sube) kaj fago (pli supre).
Sur la mono estis elkonstruitaj turismaj centroj (skiado, kurac- kaj ripozlokoj), naturprotekta areo.
Oni minis en la montaro ligniton, karbon, kuproercojn (Recsk); oni hodiaŭ ekspluatas pli kaj pli la naturajn mineralakvojn. La erc-minado ĉesis dum 1986, tie estis la plej profunda ŝakto de Hungario, atingante 1100 m.
En la Mátra troviĝas la plej alte situantaj vilaĝoj de Hungario (Mátraszentistván, Mátraszentimre, Mátraszentlászló), pluraj fortikajaj ruinoj (Hasznos, Markaz, Kisnána), observatorio, kasteloj, vitrofabriko ktp.
