Krak des Chevaliers, (arabe قلعة الحصن Qal'at al-Husn aŭ حصن الأكراد Hisn al-Akr?d) estas krucista burgo en Sirio kaj unu el la plej konservitaj mezepokaj armeaj konstruaĵoj en la mondo. Ekde la jaro 2006 ĝi estas enskribita en listo de la monda heredaĵo de Unesko.
Nomo devenas el malnovsiria lingvo kaj ĝi signifas verŝajne "Fortikaĵo". La nomo povas ankaŭ esti derivita el la greka vorto charax, signifanta "muro". La kromnomo des Chevaliers devenas el la franca kaj ĝi signifas kavalira, apartenanta al kavaliroj. La tuta nomo de burgo do estas tradukebla kiel Fortikaĵo de kavaliroj.
La burgo situas en Homsa breĉo, oriente de urbo Tripolo, 65 km okcidente de urbo Homs kaj proksime de limoj kun Libano. Administre ĝi falas sub administran regionon Homsa guberniero. Ĝi situas survoje el Antioĥio ĝius Bejruto kaj al Mediteraneo. Ĝi estis parto de reto de fortikaĵoj, kiun konstruis krucistoj por defendi sian senjorujon antaŭ muslimoj. Krak des Chevaliers gardis vojon al la maro, sed el tiu ĉi bazejo la defendantoj de la burgo havis sub kontriolo regionon de Homsa lago en oriento, pro kio ili povis kontroli fiŝkaptadon kaj vidi la muslimajn soldatarojn venantaj el siria enlando.