La Katedralo de San Lorenzo (hispane Catedral de San Lorenzo) estas katedralo de la Katolika Eklezio en urbo San Lorenzo, Paragvajo datiĝanta de la frua dudeka jarcento, kvankam ĝia kompletigo daŭris ĉirkaŭ 50 jarojn. Ĝi estas la sidejo de la katolika diocezo de San Lorenzo (Dioecesis Sancti Laurentii), kiun papo Johano Paŭlo la 2-a starigis per la papa buleo Magno perfundimur de 2000.
Ĝi situas en la urbocentro, ĉirkaŭita de bela skvaroj, placoj, kaj stratoj por piedirantoj. La katedralo kaj skvaroj okupas tutan urban blokon limita de la stratoj Gaspar Rodriguez de Francia, San Lorenzo, Coronel Romero, kaj la avenuo Defensores del Chaco. Ĝi estas konsiderata de multaj kiel belega religia konstruaĵo ĉar ĝia stilo estas unika en la Paragvaja Respubliko.