La Insulo Heard kaj insuloj McDonald estas neloĝataj insuloj en suda parto de la Hinda oceano, proskime al la suda polusa cirklo. Ĝi estas ekstera teritorio de Aŭstralio ekde 1947. La surfaco de la insulgrupo estas 372 km² kaj sur ĝi troveblas du aktivaj vulkanoj.
La Insulo Heard aŭ Heard-insulo havas la surfacon de 368 km², kovras ĝin grandparte glaĉeroj, ĝia plej alta punkto estas la vulkana pinto de Mawson Peak en alto de 2745 m. La Mawson Peak estas la plej granda monto de Aŭstralio, ĝi altas 527 plu ol la Monto Kosciuszko sur la aŭstralia kontinento.
La alia aktiva vulkano funkcias sur la McDonald-insulo: ĝi estis en trankvilo dum 75 000 jaroj kaj erupciis en 1992 kaj restis plu aktiva.
La McDonald-insuloj situas de la Heard-insulo 44 km en okcidento. La tri insuloj – McDonald-insulo (altas 250 m), Flat-insulo (55 m) kaj la Meyer-rifo (170 m) – havas la komunan surfacon de 2,5 km².
kelkaj etaj insuloj (Shag-insulo, Morgan-insulo, Sail-rifo kaj Black-rifo) troveblas 10 km norde de la Heard-insulo. Ili havas la surfacon de 1,1 km².
La insuloj ne havas konstantan loĝantaron, ilian administradon gvidas el Hobart la Department of the Environment and Heritage (medioprotekta kaj Naturheredaĵa ministerio), ĉar la insuloj havas riĉan bestaron. Oni deklaris 65 000 kvadratajn kilometrojn el maro al naturprotekta areo.
La insulojn vizitas esploristoj, dum la someraj monatoj. De 1947 ĝis la 1950-aj jaroj funkciis esploraj stacioj sur la Heard-insulo, en 1971 sur la McDonald-insulo.
Sur la insuloj ne okazas ekonomia agado.
La Heard-insulo estas fore de ĉiu homloĝata loko, tiel plej verŝajne ĝi ne estis homvizitita ĝis la 19-a jc. La unua ekvidanto de la insulo estis la brita fokoĉasisto Peter Kemp, kiu en 1833 preterŝipis la insulon. Li veturis de la Kerguelen-insuloj al la Antarkto, lia makovro ne konatiĝis.
John Heard, la kapitano de la usona Oriental ekvidis la insulon la 25-an de novembro 1853, dum veturo de Boston al Melbourn. La kapitano Heard anoncis la malkovron unu monaton poste, tiel oni nomumis la insulon post li. Iom poste - la 4-an de januaro 1854 - kapitano William McDonald, komandanto de Samarang malkovris la insuletojn en la proksimo. Tiuj estis nomumitaj post li.
La unua surbordiĝo okazis en marto de 1855, kaim grupo de fokoĉasistoj atingis la insulon. Inter 1855 kaj 1880 vivis tie ĉ. 200 fokoĉasistoj kaj ekstermis plimulton de la fokoj, produktante pli ol 100 000 barelojn el elefantfoka oleo.
Oni povas vidi multajn ŝipvrakojn en la proksimo.
la insuloj apartenas ekde 1947 al Aŭstralio, ekde 1997 ili estas partoj de la Monda heredaĵo.
