Hatuŝa aŭ Hattusa (ĝusta literumado: "Ḫattuša") estis iama ĉefurbo de la Hitita Imperio ekde la regado de Ĥattusili la 1-a, situanta en la centro de Anatolio, ĉe la rivero Kızılırmak, en tio kio korespondas nuntempe kun la vilaĝo Boğazkale aŭ Bogazköy, sur parto de la turka provinco Çorum. La urbo disponis el ampleksaj arbaroj kaj fekunda apuda kamparo, kvankam ties situo havis du ĉefajn malfacilaĵojn: la tieaj riveroj ne estis navigeblaj, kio malebligis la riveran transportadon, kaj la proksimeco al la malamika tribo de kaska (aŭ gasga) kiuj estis konstanta minaco por Hattusa. La loko de Hattusa estis deklarita de Unesko kiel Monda heredaĵo en 1986, kaj kovras protektitan areon de 268 hektaroj.
