Grimsel estas montpasejo en la Alpoj en Svislando. Ĝi ligas la Gletsch en Kantono Valezo kaj Innertkirchen en Kantono Berno. La pasejkulmino situas sur alteco de 2165 m s.m. kaj estas akvodislimo inter Norda Maro kaj Mediteraneo.
La Grimselpasejo estis jam uzita en la antikva epoko de keltoj kaj romianoj kiel multnombraj trovitaj objektoj pruvas. En la 19-a jarcento estis konstruita la moderna altalpa ŝoseo, kiu estas malfermita por la motortrafiko dum somero.
En sudo la pasejŝoseo komenciĝas en Oberwald (komunumo Obergoms) unue kune kun la aliro al la Furkopasejo. En Gletsch, kiu situas ĉe la arbarolimo sur alteco de 1759 m s.m. sube de la Rodan-Glaĉero la pasejstratoj al Furko kaj al Grimsel disiĝas. La Furkoŝoseo pludaŭras en la direkto de la Rodanvalo orienten, dum la Grimselŝoseo nun turniĝas norden.
Sur la pasejkulmino je 2156 m s.m. troviĝas tri hoteloj kaj malgranda lageto. Je la norda flanko de la pasejkulmino situas kvar baraĵlagoj, kiuj nutras la elektrocentralojn de Kraftwerge Oberhasli AG, kies ĉefaj klientoj estas la urboj Bazelo, Berno kaj Zuriko. La lagojn nutras la elfluoj de la Ar-Glaĉeroj.
Irante de sudo norden oni post la pasejkulmino preterpasas la menciitajn lagojn (Grimsel-Lago, Oberaar-Lago (kiu situas iom flanke de la pasejŝozeo), Räterichsboden-Lago kaj Toten-Lago). Post pluraj tuneloj kaj kurboj oni reatingas la arbarolimon. Sub la arbarlimo en Handegg estas la valhaltejo de la funikularo al Gelmerlago. Temas pri la plej dekliva funikularo de la mondo. Post pliaj 6 km sekvas la vilaĝo Guttanen, de kie estas 9 km ĝis Innertkirchen, kie troviĝas la finhaltejo de la Meiringen-Innertkirchen-Fervojo. En Innertkirchen la Grimselpasejŝoseo kuniĝas kun la Sustenpasejstrato. La kunigita pasejŝoseo preterpasas la Aroravinon kaj finas en Meiringen.
Шаблон:ElRetejo de la hotelo kaj restroracio Grimselblick sur la Grimselpasejo
