Butrint (greke Buthroton, itale Butrinto) estas ruinloko en suda Albanio, proksime al urbo Saranda. Butrint kun la antikvaj ruinoj apartenas al plej famaj vidindaĵoj de Albanio kaj estas same Monda kulturheredaĵo (1992).
Laŭ legendoj, la urbon fondis rifuĝantaj trojanoj. Fakte la loko estas loĝata jam ekde ĉ. 3000 jaroj, kiam oni fondis ĝin por defendi nutraĵlivernojn al Korfuo. Ĝi estis sub regado de romianoj (Julius Caesar deklaris la lokon ripozejo por veteranoj), Bizanco, Venecio, Turka imperio.
La pinto de la urbo estis en la 5-a jc. p.K., kiam vivis tie ĉ. 20.000 loĝantoj.
La urbon remalkovris en 1928 la juna arkeologo Luigi Maria Ugolini (kun apogo de la itala registaro). Li elfosis plimulton de la nun videblaj ruinoj (urbopordon, grekan teatron, templon de Asklepios, baptejon, venecian palacon).
La urbo estas alveturebla sur aŭtovojo ekde 1959, kiam Hruŝĉov vizitis la lokon.
