Bonespera Kabo estas ŝtona montopinto sur la suda pinto de la Kablanda duoninsulo, en la sudafrika regiono Okcidenta Kablando.
Ĝin alrigardis unuafoje (pri kiu oni scias) la portugala ŝipisto Bartolomeu Dias en 1488, post kiam esploris sudajn bordojn de Afriko. Laŭ la samepokaj raportoj, Dias nomumis ĝin unuafoje Kabo de la Tempestoj, sed la portugala reĝo Johano la 2-a baptis ĝin al Bonespera Kabo, kiu vidis la malkovron bona signo, ĉar li supozis, ke Hindio estas atingebla per ŝipo el Eŭropo. Aliaj fontoj donas la baptadon al Dias.
La regiono famas pro la tempesta vetero kaj bruanta maro, kie renkontiĝas la varma Mozambik–Agulhas-marfluo (el la Hinda oceano) kaj la malvarma Benguelamarfluo de la antarkto.
Sur las montopinto - kiu apartenas al la Naturprotekta Areo Bonespera Kabo, fondita en 1939 - kreskas heboj kaj malaltaj arbustoj. Du kilometrojn oriente de la Bonespera Kabo, ĉe Cape Point troviĝas lumturo.
