Biogradsko (montenegre: Biogradsko jezero) estas lago en municipo Kolašin, en norda Montenegro. Ĝi estas glacia lago, situanta sur monto Bjelasica, en nacia parko Biogradska Gora.
Biograd estas situanta en la koro de nacia parko Biogradska Gora, sur alto de 1094 m. Ĝi estas la plej granda kaj plej alloga lago el 7 glaciaj lagoj de la nacia parko. Ĝi havas areon de 228.500 m² kaj averaĝan profundon de 4,5 m.
La maksimuma profundo estas 12,1 m. La lago estas 870 m longa kaj 261 m larĝa. Ĝi estas plenigata de rivero Biograd, konstanta alfluanto, kaj de kelkaj torentoj. Ĝia elfluo estas Jezerstica.