Belasica (prononcata ekzakte tiel) aŭ Kerkini aŭ Belles (makedone kaj bulgare Беласица, en iuj latinliteraj lingvoj de Eŭropo ankaŭ latinliterigata Belasitsa aŭ Belasitza; greke Μπέλλες, Bélles, aŭ Κερκίνη, Kerkíni) estas montoĉeno en la regiono Makedonio en Sudorienta Eŭropo. La montoĉenan teritorion politike dividas la limo inter Bulgario, Grekio kaj Makedonio: el la teritorio, proksimume 45 procentaĵoj apartenas al Grekio sude, 35 procentaĵoj al la Respubliko Makedonio nordokcidente kaj 20 procentaĵoj al Bulgario nordoriente.
Plej alta pinto de la ĉeno estas la monto Radomir (bulgare Радомир, greke Καλαμπάκα, Kalabaka), 2 029 metrojn alta.
La montoĉenoj Rodopoj, Pirino kaj Rilao, plejparte en Bulgario, situas pli nordoriente.
Ekde la jaro 2003 la translima areo konsideratas eŭropa regiono.